المساعد الشخصي الرقمي

مشاهدة النسخة كاملة : فيرس سي



مستكه
02-20-2008, 04:54 PM
السلام عليكم ورحمة الله وبركاته


كنت عايزه اعرف عن المرض ده

ايه هو فيرس سي ؟

هل ممكن المصاب بيه يشفي منه نهائي ؟

كيف نكتشفه في مرحله مبكره ؟

ايه اعراضه وهل هو معدي بالتعامل العادي ومن خلال ادوات الطعام ؟

هل المصاب بيه يقدر يمارس انشطة حياته العاديه ويتزوج وينجب ولا فيه مشكله ؟

والناس السليمه ازاي تحافظ علي نفسها من الاصابه به ؟



ارجو الافاده واسفه علي الاطاله

ربنا يشفي مرضانا ومرضي المسلمين جميعا اللهم امين :rolleyes:

radwa
02-20-2008, 06:14 PM
السلام عليكم ورحمة الله وبركاته




وعليكم السلام ورحمة الله وبركاته


كنت عايزه اعرف عن المرض ده

ايه هو فيرس سي ؟



:rolleyes::rolleyes::rolleyes:

مش عارفه يعنى ايه فايرس سي ؟؟
ده حتى من اسمه واضح
فايرس وسي
ايه بقى المشكله فى كده ؟؟ 010#



هل ممكن المصاب بيه يشفي منه نهائي ؟



بصي هقولك على حسب معلوماتي عن المرض
ولو فى اخطاء الدكاتره بقى يصلحوا :d2

ايوة ممكن المريض يشفى منه تماما ...
عن طريق حقن مره كل اسبوع (لمدة سنه ...)
الحقن دي لها اعراض جانبيه واضحه ...زي
همدان فى الجسم
ارتفاع فى درجة الحراره
مش فاكره الباقى :d2



كيف نكتشفه في مرحله مبكره ؟



مش بيبان ...
بس بيبان بالتحاليل والفحوصات ..
اعتقد له اعراض ...بس بردو مابتبقاش واضحه اوي #7eet#



ايه اعراضه وهل هو معدي بالتعامل العادي ومن خلال ادوات الطعام ؟



استنى زهره او سمسمه يردو على حكاية الاعراض دي

اما حكاية العدوى ..
مش بيتنقل من شخص لشخص كده زى البرد
لكن عن طريق ادوات الحلاقه عند الحلاقين
فرشة الاسنان
قصافة الضوافر
المقص

بمعنى تانى اى اداة ممكن تسبب جرح
لو شخص استخدمها عنده المرض
واستخدمه شخص تانى بدون تعقيمها ممكن يتنقله المرض
لأن الفيروس موجود فى الدم ..



هل المصاب بيه يقدر يمارس انشطة حياته العاديه ويتزوج وينجب ولا فيه مشكله ؟



اها
يقدر ان شاء الله


والناس السليمه ازاي تحافظ علي نفسها من الاصابه به ؟





نستنى زهرة بردو او سمسمه فى النقطه دي :d2



ارجو الافاده واسفه علي الاطاله

ربنا يشفي مرضانا ومرضي المسلمين جميعا اللهم امين :rolleyes:

اللهم امين


مستكه ممكن تراجعى بردو الموضوع ده (http://z3tr.loaloaa.com/showthread.php?t=11428) كمان ::warda::

GooD MaN
02-20-2008, 06:17 PM
ايوة احسن حاجه نستى أصحاب العلم فى المسألة دى

ولحد ما نشوف حد منهم بلش ناكل مشبك 010#

just_asmaa
02-20-2008, 06:57 PM
عليكم السلام ورحمه الله وبركاته
--------------------------------
فيروس سى
ومعروف باسم الفيروس الكبدى الوبائى سى
وبلغه الاطباء Hepatitis C virus - HCV

الفيروس ده للاسف انتشر بشكل كبير جدا مش بس فى مصر حتى امريكا نفسها بردوا موجود
مع الفارق طبعا
والمؤسف انه انتشر فى مصر حتى فى الشباب صغار السن فى التلاتينات مثلا
وعشان كده هنحاول نغطى معظم النقط عنه
اولا تعريفه:-
هو فيروس يصيب الكبد تم اكتشافه سنه 1982 وللاسف ليس من السهل على جهاز المناعه مقاومته
يسبب التهاب فى الخلاياالكبديه ويسبب امراض الكبد المعروفه
مثل تليف الكبد
او يؤدى بتطور الحاله واهمالها الى هبوط فى الكبد
وربما الى سرطان عافانا الله جميعا

يتميز بانه من الامراض المزمنه التى تكون فى بدايتها ليست قويه واعراضها بسيطه
ومع الوقت تتزايد المشاكل والاعراض

ثانيا :- كيفيه انتقاله :-
اهم وسيله لانتقاله هو من خلال الدم لانه يسير فى مجرى الدم
1- نقل دم من مريض مصاب بفيروس سى
2- استخدام حقن او اى ادوات شخصيه معدنيه مثل ادوات الحلاقه والمقصات وغيرها من الادوات التى من الممكن اختلاط الدم بها قد استخدمت من قبل بواسطه مريض فيروس سى
3- الوخز والوشم ان كان سبق واستخدمت بواسطه مريض فيروس سى
4- الادوات التى يستخدمها طبيب الاسنان ان كانت غير معقمه تعقيما جيدا
5- خلال المعاشره الزوجيه لزوج مصاب بفيروس سى او زوجه مصابه به ولكن بنسبه قليله
6- من خلالالام الحامل لجنينها وايضا بنسبه قليله

فى ملحوظه مهمه جدا
عشان نعرف نتعامل مع شخص مصاب بالفيروس لانه ممكن جدا يكون قريب مننا
اولا الفيروس غير معدى من خلال
- المصافحه
- الملامسه
- القرب من المريض والجلوس بجواره
- الاكل من نفس طعامه
- النفس يعنى الهواء او الرذاذ الى ممكن يخرج من فمه او انفه

عشان بس محدش مننا يتعامل معاه على انه كائن غريب لان ده للاسف بيحصل بجهل مننا {01} {01}

يعنى مريض فيروس سى يستطيع الاكل مع الاخرين والتعامل العادى معهم يوميا بدون اى مشكله وبدون خوف من العدوى

وبالنسبه لانتقاله من خلال المعاشره الزوجيه او من الام لجنينها فهذا يحدث ولكن بنسبه قليله

ثالثا اعراضه :-
اعراضه نقدر نقسمها قسمين
أ- الاعراض فى المرحله الاولى من الاصابه بالمرض:-

فى بدايه الاصابه بالمرض تكون الاعراض بسيطه وغير ملاحظه للكثير من المرضى
ممكن جدا يصب بيه بدون ما يشعر باى منها او ببعضها فقط
وده بيحصل فى خلال 5- 12 اسبوع بعد الاصابه بالمرض
وزى ما قلت ممكن جدا منحسش بيها
الاعراض هى :-
- احساس بالقئ او قئ
- فقدان الشهيه للطعام
- الالام بالمعده
- ارتفاع درجه الحراره
- احساس بالخمول العام للجسد
- اسهال

يعنى اعراض تشبه كتير لنزله البرد او نزله معويه وممكن جدا تعدى على المصاب من غير ما يشعر

(بعض المرضى ممكن يظهر عندهم اعراض مرض الصفرا
- تغير لون البول او البراز
- اصفرار فى العين)


طبعا هنا يجى السؤال المهم الى بيفرض نفسه
يا دكتوره اعراضه كده صعب ان المريض يميزها

يبقى ازاى هنقدر نتعرف على المرض ؟؟؟؟؟؟؟


ببساطه المساله ترجع للمريض
هل هو استخدم ادوات شخص مصاب بفيروس سى
راح لدكتور اسنان وحس ان عيادته مش بقدر النظافه الكافى والتعقيم
هل عمل وشم مثلا
هل عمل نقل دم
كل دى مؤشرات تخلينا ننتبه اننا لا قدر الله ممكن نصاب بيه

ب- اعراضه التى تظره بعد سنوات عندما يتحول لمرض مزمن:-

1- تورم فى القدمين
2- استسقاء او يعنى ببساطه ان المريض يحس انه بطنه زادت فى محيطها او اتنفخت
3- ظهور الصفراء وطبعا بتظهر فى العين او البول
4- خمول عام فى الجسم كله
5- عدم تركيز
6- فقدان شهيه للطعام
7- قئ دموى
8- عدم انتظام ساعات النوم يعنى الواحد يبقى نايم قلقان

طبعا كل الاعراض دى ممكن جدا متظهرش كلها وممكن يظهر بعضها فقط
عشان الناس متتخضش
لاننا هنا بنتكلم عن مريض مزمن ومش بيتعالج من البدايه بالطريقه الصحيحه

ثالثا طرق الوقايه منه :-

طبعا كلنا نعرف ان الوقايه خير من العلاج
وان الاسلام امرنا اننا نحافظ على صحتنا لانها نعمه كبيره جداااااااااااااااااا
يعنى ببساطه طالما عرفنا الاسباب الى فوق
يبقى نحاول نتجنبها

1- عدم استخدام اى ادوات معدنيه لشخص اخر حتى ولو مش مريض
لانه ممكن جدا يكون حامل للفيروس وهو نفسه ميعرفش
يبقى لابد من تجنب استخدام الادوات الشخصيه للاخرين
2- عدم استخدام الحقن سوى مره واحده فقط ولشخص واحد فقط
3- اختيار طبيب اسنان نستطيع الثقه فى نظافه ادواته وتعقيمها
4- الابتعاد عن العادات السيئه زى الوخز والوشم بدافع انها موضه

رابعا خطورته :-

مشكله المرض ده انه بيسرى فى الجسد بدون ما الانسان يشعر
بيصيب عضو من اهم اعضاء الجسد وهو الكبد
الكبد هو فلتر الجسم
هو مصنع غذائى
تتم فيه كثير من العمليات الغذائيه والتماثل الغذائى للدهون والكربوهيدرات والبروتينات
يقوم بانتاج الكثير من الانزيمات المهمه بالجسم
هو ممر لكثير من الادويه
فاكيد كلنا شفنا اد ايه الكبد مهم وطبعا عند اصابته بفيروس سى بيحدث التهابات فى خلاياه وتليف
ولا يستطيع القيام بعمله ووظائفه


خامسا كيفيه تشخيصه :-
لو حصل وشكينا اننا مصابين بيه ببساطه طبعا لازم نلجا لدكتور باطنى متخصص ويفضل انه يكون تخصص كبد ومراره
وطبعا بيطلب منا بعض التحاليل
للتعرف على وجود الاجسام المضاده بتاعه فيروس سى فى الدم
عمل تحاليل طبعا كامله للوظائف الكبد
وفى تحليل مشهور جدا PCR
بس طبعا كل ده هنعمله باستشاره الطبيب
وفى بعض الحالات ممكن ناخد عينه من الكبد

سادسا علاجه:-

طبعا الفيروس نفسه فى نوعين من العلاج ممكن يستخدموا مع بعض
- الانترفيرون Interferon alpha
-مضاد فيروسى Ribavirin
طبعا استخدامهم بيعتمد على عوامل كتيره منها اولا
1-سن المريض
2-نتايج التحاليل الطبيه ووظائف الكبد
3- هل فى امراض مصاحبه تمنع استخدامهم
4-والعد الفيروسى طبعا وتحديد نشاط الفيروس

طبعا بيكون فيه ادويه مصاحبه لهم لمعالجه اى اعراض اخرى اصابت المريض نتيجه ان الكبد مبقاش يؤدى وظايفه بشكل صحيح ودى بيحددها الطبيب على حسب كل حاله



احذر الاتى


مريض فيروس سى
لازم يبتعد عن المسكنات او الكحوليات لان دول ليهم تاثير سلبى على الكبد

طيب فى سؤال مهم كمان
هل مريض فيروس سى ممكن يشفى نهائيا من الفيروس؟؟؟؟
زى ما مستكه سالت فوق
طبعا اى مريض بيصاب باى مرض بيسال السؤال ده
انا هشفى منه تماما ولا لاء
ببساطه شديده جدا كلنا عارفين ان الشفاء بايد ربنا سبحانه وتعالى وكلنا مجرد اسباب
مريض الكبد كلما ارتفعت معنوياته وتابع باستمرار مع دكتور ونفذ تعليماته باذن الله هيمارس حياته بطريقه طبيعيه جدا
ومش هيكون فى اى مشكله باذن الله
اما انه هل هنقدر نمحو الفيروس كليه من اجسامنا مثلا ولالاء
فى بعض الحالات ممكن جدا تتخلص من الفيروس نهائيا
بس ده بيعتمد على حاجات كتيره جدا
-منها سن المريض
-اكتشاف الفيروس فى مرحله مبكره
-نشاط الفيروس واعداده ليست مرتفعه
-فى بعض اجيال منه قابله للقضاء عليها والبعض الاخر صعب القضاء عليها كليه

يعنى الشفاء التام منه له عوامل كتيره

واكيد كلنا نعرف ان الشفاء بيد الله سبحانه وتعالى
واهم شئ زى ما قلت فوق
ان مريض فيروس سى
يستطيع ممارسه حياته بشكل طبيعى لو فهم طبيعه المرض وكيفيه التعامل معاه زى ما ذكرنا فوق الالتزام بالادويه ومتابعه الطبيب وتناول انواع الطعام المناسبه



اتمنى انى اكون وفيت اجابات معظم اسئله حبيبتى مستكه
ومكنش طولت عليكم
وجزاها الله كل خير على عرض الموضوع#21 #21
ويارب يشفى مرضى المسلمين جميعا
::warda:: ::warda:: ::warda:: ::warda:: ::warda:: ::warda::

just_asmaa
02-20-2008, 07:05 PM
الصبر ال زعتر:D ::warda::
معلش اتاخرت شويه بس عشان اوفى جميع نواحى الموضوع :d2 :d2

طبعا مكنتش فاكره ان نطفههههههههههه عندها كل المعلومات دى#21 #21
سبحان الله
ولا يبان عليكى يا نطفتى::laaf:: ::laaf:: ::laaf:: ::laaf:: ::laaf::
رضووووووووووووووووووووى انا قلتلك انى
fpf;;;;;;;;;;;;;;;;;;;;;;;;;;;;;;;;; h,nnnnnnnnnnn


-----------------------------------------------------
الاخ الاستاذ الباش مهندس جوووووود ماااااااااااااااااااااااااان
اهل المستوصف الحمد لله ردوا هما اتاخروا كام ساعه بس مش كام اسبوع::v.happy: ::v.happy: ::v.happy:
مش زى ناس عشان تجيب قطعتين مشبك تضرب تلت مواعيد على مدار تلت اسابيع010# 010# 010# 010#

مستكه
02-20-2008, 07:21 PM
جزاكي الله كل خير يا دكتوره اسما

بجد كفيتي وفيتي

ربنا يبارك في علمك

بس عايزه اعرف شيء لو حد عنده فيرس سي وبيتقدم لوحده لخطبتها ازاي تضمن انه ممكن المرض ده مش ينتقل لها ؟

مستكه
02-20-2008, 07:27 PM
مش عارفه يعنى ايه فايرس سي ؟؟
ده حتى من اسمه واضح
فايرس وسي
ايه بقى المشكله فى كده ؟؟ 010#



لا لا لا

دا انتي عديتي خلاص بقيتي الضكطوره رضوي

اي استشارات بعد كده هبعتها عليكي بس انتي ابئي ركزي الله يكرمك

يعني ابعتلك حالة فيرس سي مش تعالجيها علي انها بلهارسيا

اصلك اليومين دول مركزه علي الاخر :ker:

جزاكي الله كل خير يا رضوض::warda::






ولحد ما نشوف حد منهم بلش ناكل مشبك 010#



:D حمدلله علي السلامه

سمعت ان حضرتك فضلت تكون رياضي وجيت من دمياط للقاهره مشي #15

ومشبك ايه بئه دا زمانه اتحلل اساسا :rolleyes:

GooD MaN
02-20-2008, 07:45 PM
هو مين اللى جاب سيرة المشبك ياجماعة

ده حتى انا كنت داخل اعرف معلومات بس #7eet#

^MB^
02-20-2008, 07:46 PM
هو مين اللى جاب سيرة المشبك ياجماعة



ده حتى انا كنت داخل اعرف معلومات بس #7eet#


howa feeh 7d fi el7ara maye3rafsh mawdoo3 elmeshabek???
:ker:

just_asmaa
02-20-2008, 07:47 PM
جزاكي الله كل خير يا دكتوره اسما


جزانا واياكم يا مسكته يا حبيبتى واحنا دايما موجودين فى الخدمه
ابقى انتى بس تعالى وملكيش دعوه
::warda:: ::warda:: ::warda:: ::warda::

بجد كفيتي وفيتي


ربنا يكرمك يارب بنحاول والله احنا لسه فى البدايه:d2

ربنا يبارك في علمك


ربنا يبارك فيكى يارب
::warda:: ::warda:: ::warda:: ::warda::
بس عايزه اعرف شيء لو حد عنده فيرس سي وبيتقدم لوحده لخطبتها ازاي تضمن انه ممكن المرض ده مش ينتقل لها ؟


زى ما قلت لك فوق
ان انتقال المرض من خلال المعاشره الزوجيه مش بنسبه كبيره
بنسبه قليله
فميش ضمان اكيد انه مينتقلش
على حد علمى والله اعلى واعلم طبعا
ممكن جدا زهره يكون عندها معلومات اكتر منى فى الجزئيه دى
توصل بالسلامه ان شاء الله
::warda:: ::warda:: ::warda:: ::warda:: ::warda:: ::warda:: ::warda::

just_asmaa
02-20-2008, 08:00 PM
ايوة احسن حاجه نستى أصحاب العلم فى المسألة دى



ولحد ما نشوف حد منهم بلش ناكل مشبك 010#


:rolleyes: :rolleyes: :rolleyes: :rolleyes: :rolleyes: :rolleyes:




هو مين اللى جاب سيرة المشبك ياجماعة



ده حتى انا كنت داخل اعرف معلومات بس #7eet#



::laaf:: ::laaf:: ::laaf:: ::laaf:: ::laaf:: ::laaf::
:ker: :ker: :ker: :ker: :ker: :ker: :ker:
الحاره كلها عرفتتتتتتتتتتتتتتتتتتتتت بالمشبك 010# 010# 010# 010# 010#

اللؤلؤة التائهة
02-20-2008, 08:05 PM
داخلة فقط عشان اعرف المعلومات عنه
اتصدمت من بعض الاشياء
ربنا يشفى ويعافى :rolleyes: ::warda::

زهرة الشرق
02-20-2008, 08:46 PM
:) السلام عليكم ورحمة الله وبركاته
بالنسبة للفيروس سى يا جماعة فدكتور أسماء الحقيقة كفت ووفت فى الكلام عنه,ومسابتش حاجة مقالتهاش#21
كنت كمان عايزة أقول انه سبب انتشار الأصابة بالفيروسات الكبدية عموما راجع بالأضافة لتوافر أسباب العدوى بيها بشكل بقى سخى اكتر من اللازم الحقيقة(ومن السخاء ما قتل11# )يعنى تقريبا طرق العدوى بيه بقت متوافرة فى كل حتة (المستشفيات وعيادات الأسنان-الكوافيرات سواء حريمى او رجالى- محلات الدهب وآداة خرم الأذن بتاعت الجواهرجى-تقليعة الوشم اللى معرفش يعنى الشباب جابها منين وايه اللى غاصبه عليها أصلا ناهيكى طبعا عن حرمتها-انخفاض الوعى الصحى اللى بيخلى مرضى الشاارع كله ساعات ياخدو العلاج بنفس السرنجة:ker: )غير كل الأسباب دى فكمان فيه سبب مهم محدش واخد لباله له,وهو ان الكبد المصرى أصلا مرهق ومهدوود حيله وواخد علقة سخنة ,فعامل زى اللى بيكون منتظر ان حد يشخط فيه مثلا عشان يطب ساكت :ker: ,يعنى بالبلدى كده واقف على شعرة 11# .
وده بفضل أسلوب حياتنا المصرى الجميل ,اللى جزء منه لنا يد فيه وجزء تانى احنا مجبرين عليه,الجزء اللى لنا يد فيه متعلق بعاداتنا الغذائية الغلط(أكلنا المسبك اللذييذ اللى يجيب أجل أجدع كبد فى العالم- بعدنا عن كل ما هو طبيعى زى ما يكون عيب أو حرام وتمسكنا بكل ما هو صناعى وكأن ده وااجب وطنى- البعد عن الأكل الصحى والكل مقضيها تيك آواى كأنه خايف يرجع بيتهم ياكل أحسن يمسكوه تحرى -انتشار التدخين والمخدرات بين الشباب- أوزاننا الى ما شاء الله ولا قوة الا بالله معظمنا يقول للفيل قوم وانا اقعد مطرحك واللى موصلش لكده فهو على الأقل مشروع فيل تحت التنفيذ :ker: - بلبعتنا للأدوية عمال على بطال سواء كنا محتاجينها أو لأ وكلنا أطباء وليل نهار نازلين وصفات لبعض وعلى فكرة حتى وصفات الأعشاب مهياش بريئة من ده - وجود المواد الحافظة والكيماويات فى كل حاجة بناكلها وبنشربها ودى طبعا موش فى ايدنا انما هى عامل مؤثر برضه- الحياة الأنفعالية اللى احنا عايشينها واللى بتأثر على كل أعضاء الجسم سلبيا وكمان على مناعة الجسم ومقاومته )
كل الأسباب دى وغيرها مخلى الكبد المصرى سهل الأصابة بالفيروسات جداااااااااا,وكمان بيخليه فى حالة اصابته بيها نسبة الوصول للشفاء قليلة جدا,وللأسف فى اغلب الحالات بتتطور الحالة بعد فترة طالت او قصرت وبتوصل للتليف الكبدى أو كانسر الكبد,ده فى مرضى بياخد شهور وفى مرضى تانيين بياخد سنيين,الا انه للأسف بيحصل فى حوالى تسعين فى المية من الحالات11# ,يعنى الكبد المصرى بالنسبة للفيروسات(صيدة) .
فيما يتعلق بسؤالك يا مستكة عن ضمان عدم عدوى الزوجة بالفايرس من زوجها ,فللأسف الشديد مفيش ما يضمن عدم حدوث العدوى,هو لحد وقت قريب كنا بنقول ان العلاقة الزوجية موش بنتقل سى,الا انه اترصدت حالات انتقل فيها الفيروس عن طريقها بالفعل,سواء من الزوج للزوجة أو العكس,فى الأزواج اللى عندهم أطفال احنا بننصحهم باستعمال الواقى الذكرى,انما بتكون مشكلة حقيقية فى الأزواج اللى مأنجبوش أو حديثى الزواج(يعنى مقدرش اقولهم اتجوزوا بس متخلفوش 11# ) ,ده غير انه بصرف النظر عن انتقال العدوى من عدمه فالطرف التانى غصب عنه موش بيكون مرتاح فى التعامل مع الطرف المريض,غصب عنه بيبقى قلقان طول الوقت ,انا شفت حالات وصلت لأن الزوجة بتقولى انا من غير محس بقيت بتجنب المس اى حاجة مسكها جوزى بأيده حتى ,وبحاول اتغلب على ده موش قادرة رغم انى علميا عارفة انى موش هتعدى,والحكاية دى بتثير حساسية الطرف المصاب وتسبب مشاكل 11# .
هى مشكلة كبيرة فعلا ربنا يعافى الجميع ويكون فى عون المرضى .
::warda:: ::warda:: ::warda:: ::warda::
::warda:: ::warda:: ::warda::
::warda:: ::warda::
::warda::

مستكه
02-20-2008, 09:35 PM
دكتوره زهره ::warda::

نورتي الموضوع ونورتي الحاره كلها ::warda::

جزاكي الله كل خير ونفع بيكي وبعلمك يارب

في الحقيقه انا اتفاجئت بكلام كتير بخصوص المرض ده والمشكله ان كتير فينا بيجهل الكلام ده

مع ان المرض منتشر اكتر من انفلونزا

اعرف ناس اصيبو بالمرض من عيادة الاسنان ومن صالونات الحلاقه

ودي طبعا مشكله

بالنسبه لعيادات الاسنان كلهم بيقولوا بيعقمو وافران واجهزة وكمامه وحاجات كده بس مع ذلك بتحدث الاصابه طيب نضمن منين !!

مخبيش عليكم انا بقيت بخاف جدا اني اكل او اشرب حاجه بره البيت حتي لوكان المطعم 14 نجمه

دا غير حاجات كتيره اوي



:sad:


ربنا يستر

ربنا يشفينا جميعاويشفي مرضانا ومرضي المسلمين اللهم امين

زهرة الشرق
02-20-2008, 09:59 PM
دكتوره زهره ::warda::
نعم يا حبيبة دكتورة زهرة:) .

نورتي الموضوع ونورتي الحاره كلها ::warda::
الحارة منورة بأهلها حبيبتى,والموضوع أصلا كان منور,انا جيت على النور أساسا لأنى كنت من غير النضارة :ker: .

جزاكي الله كل خير ونفع بيكي وبعلمك يارب
جزانا الله واياكم خير الجزاء :) .

في الحقيقه انا اتفاجئت بكلام كتير بخصوص المرض ده والمشكله ان كتير فينا بيجهل الكلام ده

مع ان المرض منتشر اكتر من انفلونزا

اعرف ناس اصيبو بالمرض من عيادة الاسنان ومن صالونات الحلاقه

ودي طبعا مشكله
هى فعلا كارثة موش مجرد مشكلة 11# .

بالنسبه لعيادات الاسنان كلهم بيقولوا بيعقمو وافران واجهزة وكمامه وحاجات كده بس مع ذلك بتحدث الاصابه طيب نضمن منين !!
فيه أدوات أسنان بتستعمل مرة واحدة ,موجودة حاليا فى أغلب عيادات الأسنان الجامعية,يعنى مثلا عندنا فى عيادات مستشفى الجامعة بنستعملها فعلا ,دى أضمن حاجة,غير كده مفيش ضمان الا زمة اللى بتتعاملى معاه وضميره 11# .

مخبيش عليكم انا بقيت بخاف جدا اني اكل او اشرب حاجه بره البيت حتي لوكان المطعم 14 نجمه
الأكل والشرب الى حد كبير مقدور عليهم ,لأنه بيتم طبخهم على حرارة عالية,والمشروبات يفضل تكون سخنة موش باردة ,كمان أشهر الفيروسات المتقلة بالفم الفيروس أ,وده علاجه سهل ومضاعفاته محدودة جدااااااااااا ان حصلت أصلا ,انما الكلام ده لتجنب العدوى بالفم عموما موش بأمراض الكبد بس,يفضل انك بره البيت لا تتناولى الا ما يتصاعد منه البخار .

دا غير حاجات كتيره اوي



:sad:


ربنا يستر

ربنا يشفينا جميعاويشفي مرضانا ومرضي المسلمين اللهم امين
آمين يا رب العالمين يشفى كل مرضى المسلمين ويديم نعمة الصحة على أصحابها

::warda:: ::warda:: ::warda:: ::warda::
::warda:: ::warda:: ::warda::
::warda:: ::warda::
::warda::

radwa
02-21-2008, 03:58 PM
الصبر ال زعتر:D ::warda::
معلش اتاخرت شويه بس عشان اوفى جميع نواحى الموضوع :d2 :d2

طبعا مكنتش فاكره ان نطفههههههههههه عندها كل المعلومات دى#21 #21
سبحان الله
ولا يبان عليكى يا نطفتى::laaf:: ::laaf:: ::laaf:: ::laaf:: ::laaf::
رضووووووووووووووووووووى انا قلتلك انى
fpf;;;;;;;;;;;;;;;;;;;;;;;;;;;;;;;;; h,nnnnnnnnnnn





{01}{01}{01}
يوضع سره فى انطف خلقه :ker:
اه قلتيلي قبل كده على فكره :rolleyes:
010#010#

ha gdfd ]da ::v.happy:




لا لا لا

دا انتي عديتي خلاص بقيتي الضكطوره رضوي

اي استشارات بعد كده هبعتها عليكي بس انتي ابئي ركزي الله يكرمك

يعني ابعتلك حالة فيرس سي مش تعالجيها علي انها بلهارسيا

اصلك اليومين دول مركزه علي الاخر :ker:

جزاكي الله كل خير يا رضوض::warda::






ضكطوره مرة واحده :rolleyes::D

مانصحكيش
حكاية الفايروس دي فلته كده
عشان شوفت حالتين فعرفت حاجات عن المرض ::v.happy:
وخيرا جزاكى الله يا مستكتك :D




howa feeh 7d fi el7ara maye3rafsh mawdoo3 elmeshabek???
:ker:


::laaf::::laaf::::laaf::::laaf::

ريحة المشبك طلعت فى كل اقسام الحاره
:ker:

GooD MaN
02-21-2008, 07:43 PM
::laaf::::laaf::::laaf::::laaf::


ريحة المشبك طلعت فى كل اقسام الحاره
:ker:




طيب كويس علشان المرة اللى جايه هيبقى فيها سمك #5#