المساعد الشخصي الرقمي

مشاهدة النسخة كاملة : ال DnA و اثبات النسب " افيدووووووووووونا "



JupiteR
03-18-2006, 08:58 PM
قضيه اشتعلت اولي شراراتها من خلال العديد من القضايا التي حدثت

و لكن الامر الذي ادي الي تصاعد النيران بشكل كبير هي قضية احمد الفيشاوي و هند الحناوي


و رفض احمد الفيشاوي لاثبات نسب الطفله لينا و رفضه لتحليل ال DNA

من بعدها اشتعلت الامور و كانت اخر الاحداث هي رسالة مفتي الديار المصريه لمجلس الشعب

بان لاضرر في اجراء تحليل ال DNA لاثبات النسب

تصاعد الامور و رفض الكثيرون لهذا الموضوع

و كثرت الاقاويل في ان اثبات النسب من خلال ال DNA يجعل اولاد الزنا لهم الحق في النسب للوالد

مارايك بهذه القضيه و هل توافق علي اجراء تحليل ال DNA لاثبات النسب ؟

Hesham Albanna
03-18-2006, 10:18 PM
قانوناً الله أعلم بالمفروض ...
بس شرعاً ابن الزنا ينسب للفراش حتى إذا اعترف أبوه به أو حتى تزوج أمه قبل ولادته ... يظل ابن زنا ونسبه للفراش ...
ومن قبل كان ابن الزنا يسمى باسم أمه ... وإن اعترف به أبيه

Ibn Masr
03-19-2006, 04:24 AM
حلو ..

أنا علطول بسمع القاعده ديه يا هشام بس نفسي أفهم معناها ..

يعني ايه ينسب للفراش حتي لو أعترف به أبوه ؟؟

Yahya_Ayash
03-19-2006, 08:12 AM
من بعدها اشتعلت الامور و كانت اخر الاحداث هي رسالة مفتي الديار المصريه لمجلس الشعب

بان لاضرر في اجراء تحليل ال DNA لاثبات النسب
يعني هل اجتهد عالم في هذه المسألة وأفتى بجواز استخدام هذا التحليل لإثبات النسب؟
لو أن الأمر كذلك فسوف أطلع على فتواه وغالبا قد آخذ بها لو كنت في موقع قرار..

Hesham Albanna
03-19-2006, 04:35 PM
يعني ايه ينسب للفراش حتي لو أعترف به أبوه ؟؟

أيام ما كان المسلمين عايشين مع الرسول في المدينه وكده كان بينسب لأمه

أما في العصر العباسي كان يقال فلان ابن أبيه ... بس ... يعني اسمه كده ابن أبيه

te3mah
03-19-2006, 09:14 PM
إيه الحكمة من إن ابن الزنا لا يُعترف بنسبه ؟
مع إن العقاب هنا بيقع الجزء الأكبر منه على الطفل فقط
ويمكن ينال الأم نصيب من العقاب
لكن الأب بيبقى حُر !!!

على فكرة ده تساؤل حقيقي مش رأيي يعني
أنا لسه ماكونتش رأي في الموضوع ده

Yahya_Ayash
03-19-2006, 09:18 PM
هي بتتسئل كده يا أخت طعمة "إيه الحكمة من إن ابن الزنا ينسب للفراش؟"
يعني أنا كانت معلوماتي بتقول انه في حالات الزنا مكنش بيبقى الأب متيقن من إنه إبنه، وعلى أساس كده قلت لو في عالم اجتهد وأفتى بجواز إثبات النسب بالتحليل الجيني غالبا هاخذ بفتواه!
والله أعلم بالحكمة..

te3mah
03-19-2006, 09:32 PM
معلش كلام سمعته ورن في وداني جامد
دلوقتي وفي العصر إللي إحنا فيه ومافيش التزام ولا إقامة لحدود الله
أي شاب هيزني ويخلف وينكر نسب الطفل ليه ... ممكن تحصل أكتر من مرة
والأم (الزانية) وابنها (إللي مالهوش أي ذنب) هما إللي هيشيلوا الوزر أمام الناس والمجتمع لوحدهم
وهتختلط الأنساب بالفعل
الشاب إللي بيزني أكتر من مرة وينكر نسب الأطفال ليه ممكن أولاده من الزنا يتزوجوا بعض وهما مش عارفين إنهم أخوات !!!!

هل تحليل الـ DNA بقى ضرورة من ضروريات العصر الحديث ؟

Ibn Masr
03-19-2006, 09:55 PM
أنا لسه مش فاهم .. يعني ايه لا ينسب لابيه حتي لو أعترف بيه ..


طب ما هو كده حتي لو ال Dna أثبت النسب .. طالما انه أبن زنا لن يتم الاعتراف بيه ؟؟ مش كده ؟؟

Yahya_Ayash
03-19-2006, 10:36 PM
أنا لسه مش فاهم .. يعني ايه لا ينسب لابيه حتي لو أعترف بيه ..


طب ما هو كده حتي لو ال Dna أثبت النسب .. طالما انه أبن زنا لن يتم الاعتراف بيه ؟؟ مش كده ؟؟
أيوة يافندم الفكرة هي إنه اعتراف الأب لا يعني بالضرورة انه الولد ابنه!
الأب ممكن يعترف بالزنا، لكنه أصلا لا يستطيع معرفة ما إذا كان الحمل منه بالفعل، يعني المرأة ممكن تكون زنت بغيره ووجدت فيه أبا يعترف بالولد ويحل لها مشكلة، كما كان يحدث في كثير من الأوقات في الجاهلية..

وبعدين لو قبلنا من الأب شهادته فهي لن تعني أن نتهم المرأة بالزنا لو لم تعترف، لأن اعتراف أي طرف بالزنا لا يخص الطرف الآخر!!
وفي هذه الحالة ستصبح مفارقة أن نقرر أن فلان جاء بعلاقة غير شرعية من طرف فلان، أما فلانة فهي أمه الشرعية!!
وإذا كان له أب غير شرعي فهذا يعني أن له أم غير شرعية، وإذا كانت له أم شرعية فهذا يعني أن له أب شرعي!!
نركبها ازاي دي؟!

جميل؟

دلوقت التحليل الجيني لا ينطبق عليه هذا الكلام..لأنه الأمر مؤكد ده ابن ده وده ابن ده!
ومادام انه في عالم اجتهد وكان على علم بمقاصد الشرعية والمصالح المرسلة وأفتى بجواز استخدام هذه الوسيلة، فانا بنيت كلامي السابق على هذا الأساس!

JupiteR
03-19-2006, 11:38 PM
قانوناً الله أعلم بالمفروض ...
بس شرعاً ابن الزنا ينسب للفراش حتى إذا اعترف أبوه به أو حتى تزوج أمه قبل ولادته ... يظل ابن زنا ونسبه للفراش ...
ومن قبل كان ابن الزنا ي

سمى باسم أمه ... وإن اعترف به أبيه


بسم موحد القلوب و غافر الذنوب


اخي العزيز هشام البنا سعيد بتشريفك للموضوع


هو حضرتك تكلمت عن الزنا و فيه حديث صريح في الجزء دا

رسول الله صلوات الله عليه و سلامه قال

" الولد للفراش و للعاهل الحجر "

و لكن المشكله في تحليل ال DNA

ان من الممكن ان يكون الزواج زواجا فاسدا مثلا " الزواج العرفي "

فهل في هذه الحاله يتم نسب الولد للفراش ام انه ينسب لامه

JupiteR
03-19-2006, 11:44 PM
يعني هل اجتهد عالم في هذه المسألة وأفتى بجواز استخدام هذا التحليل لإثبات النسب؟
لو أن الأمر كذلك فسوف أطلع على فتواه وغالبا قد آخذ بها لو كنت في موقع قرار..


ابو عياش انا اللي عرفته في الموضوع دا انفي احد اعضاء مجلس الشعب طالب بالموضوع دا

و ارسل مفتي الديار المصريه خطابا لمجلس الشعب يحمل بين طياته فتوي و لكن نص الفتوي الله

لا اعلم بها لانني لم اقراها

JupiteR
03-19-2006, 11:52 PM
معلش كلام سمعته ورن في وداني جامد
دلوقتي وفي العصر إللي إحنا فيه ومافيش التزام ولا إقامة لحدود الله
أي شاب هيزني ويخلف وينكر نسب الطفل ليه ... ممكن تحصل أكتر من مرة
والأم (الزانية) وابنها (إللي مالهوش أي ذنب) هما إللي هيشيلوا الوزر أمام الناس والمجتمع لوحدهم
وهتختلط الأنساب بالفعل
الشاب إللي بيزني أكتر من مرة وينكر نسب الأطفال ليه ممكن أولاده من الزنا يتزوجوا بعض وهما مش عارفين إنهم أخوات !!!!

هل تحليل الـ DNA بقى ضرورة من ضروريات العصر الحديث ؟


ماهي هيا دي المشكله اللي انا قعدت افكر فيها

بس المشكله يااخت طعمه ان لو اخدنا الجانب الاخر من التحليل الجيني

هنلاقي ان فيه حاجات كتير و تلاعب كتير هيحصل في الموضوع دا و خصوصا و احنا في مجتمع زي

ماانتي قلتي لايقيم حدود الله

و المشكله ان لو مثلا فيه زواج غير شرعي هل يتم نسب الابن وقتها

و لو فيه ناس من اللي معاهم فلوس قدروا يتلاعبوا في موضوع التحليل الجيني و نتيجته

ايه الضرر اللي هيقع ساعتها علي برضو ناس مالهمش ذنب ؟؟

الموضوع محير جدا

JupiteR
03-19-2006, 11:58 PM
انا حاليا ليا تساؤل لو قدرنا نحدد فوائد و عيوب التحليل الجيني ممكن الموضوع يفرق


لو اخذنا الفوائد فهي بتحد من تلاعب الكثير من الناس اللي بتنكر نسب الاطفال


بس المشكله هل التحليل دا هيتم بطرق تضمن انه يتم بطريقه صحيحه مئه بالمئه


مش بتكلم علي نتيجة التحليل نفسه بس الناس اللي هيقوموا بالتحليل و من الممكن التلاعب فيه

يعني كدا ممكن ابنمن زواج فاسد يرث الاب المنسوب اليه

و ممكن ساعتها الموضوع دا يخلي الزواج العرفي نوعا ما مضمون


هي دي المشكله

Hesham Albanna
03-20-2006, 12:07 AM
إخوتي الأفاضل ...
كما هو ثابت شرعاً باتفاق العلماء على وضوح الحكم الشرعي لابن الزنا أنه ينسب لأمه فقط ...
وكنت أتحدث اليوم مع صديق أخبرني أن القانون المصري إذا أثبت حادثة وقوع الزنا بدون أي شبهة حلال لا ينسب ابن الزنا لأبيه (والله أعلم بصحة المعلومه)...
ولكن معظم حالات (بل كل) دعوى إثبات النسب تكون بدعوى أن الزواج تم بورقة إتفاق سريه (فيما يعرف في مجتمعنا بزواج عرفي) ولكن الورقه مفقوده أو مسروقه ... لذا تطالب الأم بإثبات النسب ... ولكن...
شرعاً ... كل هذا زنا ولا ينسب الابن إلا لأمه ... ومن الناحيه الاجتماعيه الإسلام وصى بكامل الحقوق الإجتماعيه (من تعليم ومشاركه في الجهاد وغيره) للابن بحكم الآيه "ولا تزر وازرة وزر أخرى". ولكن يظل نسبه لأمه لأن الإسلام لايضل عن الوقائع ولا يفضح ما هو مستور.
شرعاً ... لا ينسب الابن لأبيه إن أنكر نسبه وإن كانا زوجين وعليهما أن يطبقا الآيه بأربع شهادات وشهاده لكل منهما ثم يفرق بينهما.
.
.
.
أما قانوناً فالله أعلم ... ولكن كثير من قضايا الأحوال الشخصيه تستغل ثغرات كثيره في القانون

جنه
03-20-2006, 01:08 AM
انا سمعت الموضوع كتير جدا واللي فهمته ان ابن الزنا ليس له نسب

بس انا مش مقتنعه انه ممكن الاسلام يطلب مننا تجاهل العلم

ونظلم طفل لم يقم باي اثم

واعتقد ان حديث الولد للفراش ليه تكمله يامرنا بعقاب الزاني والزانيه

وانا ما افهمش يعني ايه ناخد نصف الحديث ونسيب الباقي

وعندي اقتراح ان البنت اللي تدعي علي شخص بالنسب لطفلها

ناتي بالشخص سرا ونقوم له بالتحليل لو طلع ايجابي يجيبوا القاضي ويقولوه

الست دي كانت مراتك او مستعد تتجوزها لو وافق يبقي قمنا بالستر

لو رفض يبقي زاني ويقام عليه الحد او يسجن

اما لو طلع التحليل سلبس يقام علي المراه الحد او تسجن

Yahya_Ayash
03-20-2006, 01:25 PM
يا جماعة الفكرة هنا ملهاش علاقة بموضوع الزنا نفسه..
شوفوا، أنا رأيي انه الاطلاع على فتوى المفتي أولا مهم جدا..
لكن ده سبب اقتناعي بيها:
أولا لازم نفهم في الشرع كيف يثبت الزنا..
يثبت الزنا شرعا بأمر من اثنين لا ثالث لهما:
-أربعة شهود يرون عملية زنا كاملة، ويشهدون بها في مجلس واحد، وفي هذا تفصيل..
-اعتراف من الفاعل يتكرر ثلاث مرات في مجلس واحد، وفي هذا أيضا تفصيل..

طيب..ده معناه إيه؟
معناه انه الحمل ليس دليلا على حصول الزنا..لاحظوا يا جماعة لو في شك واحد في المليون في حصول الزنا يتم نفي التهمة تماما ولا يحق لأحد أن يدعي عليه بالزنا..

طيب..خلينا في الإعتراف دلوقتي..
الإعتراف بالزنا يخص الفاعل..يعني دلوقتي لو شخص اعترف على نفسه بالزنا ثلاث مرات واستوفى الشروط الشرعية، يقام عليه الحد..وكذلك لو امرأة..
طيب..هل من حقه يقول انه زنى بفلانة؟
قطعا لأ..هو ليه نفسه وبس!
هل من حق واحدة انها تقول انه فلان هو من زنى بها؟
برضو لأ..ليها نفسها وبس..

طب لو قال، أو قالت عن الطرف الآخر؟
يسئل الطرف الآخر، فإما أن يعترف، فيقام عليه الحد، وإما ألا يعترف، فينسى الادعاء السابق تماما ويصبح تكرار هذا الكلام هو قذف يوجب الحد في ظهر من يكرره..

طبعا هذا من الإعجاز في التشريع الإسلامي، وبهذا يحفظ تماما عرض أي إنسان من أن يدعي عليه أي أحد بالزنى..
جميل؟

طيب..سبق وقلنا..الحمل لا يثبت الزنا..ليس دليلا على حصول الزنا..
وده معناه، انه لو امرأة ولدت طفلا مجهول النسب، فهذا لا يعني أنها زنت..ولهذا كثير من التفصيل أيضا..
وهذا يعني ببساطة أن عرضها محرم تماما كأي امرأة أخرى، يعني، ميجيش أي واحد من الشارع، ويدعي انه الطفل ابنه من الزنا، مثل هذه الشهادة بديهي أنها لا تقبل بأي حال من الأحوال!
وهذا كان حكم الرسول صلى الله عليه وسلم في هذه الحالة..
طيب الطفل ابن مين؟
الطفل مجهول النسب..وقتها لم يكن ممكنا أن نعرف على وجه اليقين من أبو الطفل..
طب لو فرضنا انه الأب اعترف بأنه زنى بفلانة، وفلانة اعترفت بأنه زنى بها، وفي طفل أنجبته هذه المرأة؟
ببساطة شهادة المرأة وهي زانية وفي هذا الوضع غير مقبولة..لأننا لا نعرف أنها ربما تكون زنت بغيره أيضا، وأن يكون الطفل من شخص غيره، إلا أنها وجدت في هذا أبا يحل جزءا من المشكلة..
وبتحصل في حالات..

طيب، لو توفرت طريقة لا مجال للخطأ في معرفة نسب الطفل المجهول النسب، بغير اعتراف بالضرورة من أحد؟..أعتقد فتوى المفتي كانت على هذا الأساس، يثبت نسب الطفل، ولا يثبت الزنا..
عارفين زي مين؟
زي جريج العابد، الذي ثبتت قصته التي رواها لنا الرسول صلى الله عليه وسلم عمن تكلموا في المهد، وهو عابد من بني إسرائيل اتهمته مومس بأنه أبو طفل أنجبته، فابتهل ودعا الله تعالى، ثم سأل الطفل "من أباك؟" فأنطقه الله فقال "أبي فلان!"

مرة تانية الاطلاع على نص فتوى المفتي وحيثياتها مهم جدا، وكلام الإعلام كله ملوش معنى في الحالة دي، كان لي بعض التعليقات..

ولكن معظم حالات (بل كل) دعوى إثبات النسب تكون بدعوى أن الزواج تم بورقة إتفاق سريه (فيما يعرف في مجتمعنا بزواج عرفي) ولكن الورقه مفقوده أو مسروقه ... لذا تطالب الأم بإثبات النسب
على فكرة يا أخ هشام، في هذه الحالة لا يكون هذا اعترافا بالزنا، والزواج العرفي أيضا لا يعامل معاملة الزنا، وعشان كده الزنا لم يثبت أصلا، وعليه فلا يعامل الطفل معاملة ابن الزنا:)
لأنه في شبهة حلال:)

بس المشكله هل التحليل دا هيتم بطرق تضمن انه يتم بطريقه صحيحه مئه بالمئه
عشان كده لازم يكون من حيثيات هذا الأمر معرفة الظروف التي يتم فيها هذا التحليل وإمكانات هذا التحليل من قبل متخصص:)

وعندي اقتراح ان البنت اللي تدعي علي شخص بالنسب لطفلها

ناتي بالشخص سرا ونقوم له بالتحليل لو طلع ايجابي يجيبوا القاضي ويقولوه

الست دي كانت مراتك او مستعد تتجوزها لو وافق يبقي قمنا بالستر

لو رفض يبقي زاني ويقام عليه الحد او يسجن

اما لو طلع التحليل سلبس يقام علي المراه الحد او تسجن
كما سبق من قولي يا أخت جنة:)
لا علاقة بين إثبات النسب وثبوت حصول الزنا:)
في نقطة مهمة جدا، لو ثبت الزنا بأي من الطريقتين المذكورتين، فليس أمام القاضي إلا الحد:)
مسألة زواج الزاني بمن زنى بها هو أمر لا يخص القاضي ولا يتعلق بتطبيق الحد..

**يقين**
03-21-2006, 04:51 AM
اللى انا فهماه بقى من حلقة شفتها على دريم و كان فيها د.سعاد صالح
تحديدا فى برنامج الحياة بتاع نجوى ابراهيم .. حتى يومها قالت سعاد صالح انها حاسة ان الحلقة هايكون لها صدى فى مجلس الشعب .. و اضح من كلامكم انه حصل فعلا ..

ليه فى ناس عايزين يعملوا تحليل "الدى ان ايه" ؟

سعاد صالح قالت كدة بالضبط :

التحليل يتعمل فيتعرف مين الاب ..
ساعتها يجبر الاب بامر قضائى بالعقد على المرأة ..
فينسب الولد الى الاب ..
لانه لن ينسب الابن الى الاب (يعنى يحمل اسمه كدة رسميا) الا بعد العقد ..لانه لو نسب الابن الى الاب بدون زواج هو دة اللى مخالف للشرع ..لانه لا ينسب ابن الزنا لابيه ..
فيه ناس هتقول حرام و الواد ذنبه ايه ؟
ما هو يا جماعة لو نفع ننسب الابن لابيه من غير ما يكون الاب و الام دول عاقدين على بعض يبقى كاننا بنقر بالزنا كعلاقة و بنقر بأن للزناة حقوق ..
عشان كدة سعاد صالح شددت بأنه لازم يتم العقد اولا بأمر من القاضى و يكون فيه عقوبة على الاب لو رفض.. و التحليل لوحده لو اثبت ان الاب هو فعلا ابو الولد دة مش معناه انه ممكن ينسب ليه و يستخرج شهادة ميلاد باسمه و مافيش اصلا ورقة زواج ..



مسألة زواج الزاني بمن زنى بها هو أمر لا يخص القاضي
لا يا عياش ..ما هو هو دة اللى هما عايزينه ..
انه يكون فيه تدخل قضائى ..
ما هو لو الامر وقف عند حدود تحليل الدى ان ايه ..يبقى الطفل ما استفدش اى حاجة .. و الاب بردو معلهوش اى عقوبة ..

Yahya_Ayash
03-21-2006, 07:38 AM
معلش يعني إيه يجبر بأمر قضائي بالعقد على المرأة؟
لو كدة لأ..معلش لأنه ده كده معناه أن يصبح الزنا أقصر الطرق للزواج؟
يا أخت يقين ركزي بس شوية..احنا دلوقتي مش بنتكلم عن الزنا، ولا بنتكلم عن القانون المهري، بنتكلم عن الشرع وفتوى عالم..
الزنا لا يثبت بالولادة..يعني الطفل المولود وهو مجهول النسب، حتى لو لامرأة لم تتزوج قط، لا يثبت حصول الزنا..
جميل؟
يعني برضو..
بطريقة التحليل الجيني، هنعرف انه فلان هو أبو هذا الطفل..
طيب..هل أبو الطفل اعترف بالزنا؟
لو لأ، خلاص لا يحاسب على كونه زنى!
لو أيوة، يبقى يحد بالزنا، والطفل ابنه برضو "مش بالضرورة ابنه من الزنا"
طيب وفي كل الأحوال..الأب ملزم بإبنه!
حالة أخرى..
لو زوج أنكر نسب طفل متهما زوجته بالزنا؟
يتم التحليل، ويثبت بنوة الطفل من عدمها، وأيا كانت نتيجة التحليل يتلاعن الزوجان ويفرق بينهما!
لو الطفل ابن الرجل يثبت نسبه إليه..
لو الطفل مش ابن الرجل، يلحق بأمه..لكنه لا يثبت عليها الزنا..
ولو أمكن معرفة أبو الطفل خلاص كان بها..ينسب إليه!
ده التصرف الصحيح لو أخذ بالفتوى في نظري! إنما اللي قالته الدكتورة سعاد معلش انا شايفه غلط طبعا!
لأنه أصلا ولادة طفل مجهول النسب لا تثبت حصول الزنا!
فأي حقوق اللي هاتقر بها للزناة؟ إذا كان محصلش إثبات للزنا أصلا؟

**يقين**
03-21-2006, 10:37 PM
بص يا عياش بأمانة انا مش فاهمة حاجة خالص من كلامك 11# 11# 11#

مارايك بهذه القضيه و هل توافق علي اجراء تحليل ال DNA لاثبات النسب ؟
السؤال المطروح حسب فهمى بيتناول نقطة محددة لان القضية دى اثيرت على التليفزيون فى اكتر من برنامج و السؤال الاساسى : هل يمكن اجبار الرجل الذى تدعى المراة انه ابو الابن بانه يعمل تحليل الدى ان ايه ؟؟؟؟؟؟؟؟؟؟

لحد دلوقتى ما فيش قانون بيقول كدة كما هو حادث فى القضية المعروفة لان الاب رفض اجراء التحليل و القانون ما قدرش يعمله حاجة .. فدلوقتى بيطالبوا ان يكون الموضوع بشكل قانونى ..ازاى ؟

يجبر الرجل بان يقوم بتحليل الدى ان ايه و اذا رفض تكون قرينة ضده ( و ماحدش يسألنى ايه قرينة دى هما كانوا بيقولوا كدة) لانه لو الراجل فى السليم يبقى يعمل التحليل هيخاف ليه ؟

طيب الراجل عمل التحليل و طلعت الست كدابة و مش هو الاب ..يبقى فى عقوبة عليها ..عشان الموضوع ما يبقاش سداح مداح و اى ست تفكر الف مرة قبل ما تتهم راجل لان التحليل هيكشف كدبها ..

طيب الراجل عمل التحليل و طلع هو الاب ..نعمل ايه ؟ ينسب الولد لابيه .. قالوا شرعا ما ينفعش يتنسب ابن لابيه من الزنا ..يبقى يجبر انه يعقد عليها ..
ليه ؟
ما هو الناس بتوع حقوق المرأة و الانسان صعبان عليهم الواد و بيقولوا ذنبه ايه ..
و بتوع الشرع قالوا ما ينفعش يتم النسب من غير زواج ..
فبتوع الشرع قالوا و استندوا لاحد الائمة مش فكراه مين بانه يمكن اجبار الرجل بالعقد على المراة عشان خاطر الطفل دة ما يعش عمره كله منسوب لامه و يظل موصوم بانه ابن زنا ..
الموضوع دة وفقا لوجهة نظرهم ( بتوع حقوق الانسان و الشرع ) هايخلى اى واحد يفكر 100 مرة قبل ما يعمل العملة دى ..لانه فى العادى ما فيش فى القانون ما يدينه و بيعمل عملته و يهرب ..

انا شايفة كل دة كلام منطقى و معقول (طالما وصلنا لمرحلة يستحيل فيها تطبيق الحدود !)

فهمت يا عياش ؟

هكذا كان الموضوع مطروحا فى الاعلام ..

التفاصيل اللى حضرتك ذاكرها بعيدة عن الموضوع المطروح ..اظن كدة :rolleyes:

**يقين**
03-21-2006, 10:43 PM
وأيا كانت نتيجة التحليل يتلاعن الزوجان ويفرق بينهما!

ازاى بس يا عياش !!!!!!!!!!!!!!!!!!!!!!!!!!!

الملاعنة او اللعان هايكون ازاى بس و فيه تحليل !!!!!!!!!!!!!!!!!!!!!؟؟؟؟؟؟؟؟؟؟؟؟؟؟

ما التحليل ساعتها هايحل محل الملاعنة ..

هما بيتلاعنوا عشان مش معروف مين الصادق و مين الكاذب ..

Hesham Albanna
03-22-2006, 12:15 AM
وأيا كانت نتيجة التحليل يتلاعن الزوجان ويفرق بينهما!

ازاى بس يا عياش !!!!!!!!!!!!!!!!!!!!!!!!!!!

الملاعنة او اللعان هايكون ازاى بس و فيه تحليل !!!!!!!!!!!!!!!!!!!!!؟؟؟؟؟؟؟؟؟؟؟؟؟؟

ما التحليل ساعتها هايحل محل الملاعنة ..

هما بيتلاعنوا عشان مش معروف مين الصادق و مين الكاذب ..

مفيش بديل للملاعنه اي يقين ...
أصل مع خالص إحترامي للتحاليل الطبيه ، عند اكتشاف فصائل الدم لأول مره وعلاقتها بالوراثه ظل هنا أعتقاد سائد أنها تقرر النسب ثم تطور العلم فأصبحت تنفي النسب ولا تثبته ... إلا أن ظهرت حالات وتطور أكثر ثبت منه أنها لا تنفي ولا تثبت بل ترجح ...
دلوقتي إحنا متقدمين بما يكفي أننا نزعم أن تحليل الـDNA كافي ... بس ممكن بعد 50 ولا 100 سنه نتقدم أكتر ونكتشف أنه غير كافي وفي حالات لا يصل معها للدقه المطلوبه ...

بس الأصل الثابت من أيام الرسول وحتى الآن هو اللعان ... وحتى إذا رفض أب الإعتراف بابنه من الست إللي متزوجها يتم اللعان والمفارقه بينهم ولا ينسب الولد لأبيه .... وهذا ما حدث أيام الرسول يبقى الموضوع منتهي ..

جنه
03-22-2006, 12:53 AM
بصراحه شديده انا كده اتلخبطت

انتوا بتقولوا انه لو ثبت انهم زانين يبقي يلعنوا ويفرق بينهم

طب ازاي هنثبت اساسا الا باعترافهم او باجراء الDNA

وما هو البديل لاقامه الحد اذا كان القانون لايطبق الحدود الشرعيه

Yahya_Ayash
03-22-2006, 08:49 AM
:)
يا أخت يقين أنا دلوقتي باتكلم عن حاجه مختلفة تماما..
أنا باتكلم عن أسباب اقتناعي بفتوى المفتي بجواز إجراء التحليل وإثبات النسب عن طريقه..

الأخ هشام شكك في موضوع التحليل نفسه، في الحالة دي كلام تاني..لكن أنا باتكلم على فرض انه الخطأ في هذا التحليل غير وارد إلا بنسبة هي أقرب للصفر..
مش واحد في المليون، ولا واحد في الألف مليون..لأ، رقم أصغر من كده بكتير، بنسميها في علم الرياضيات بالدالة المتناهية إلى الصفر..وده الثابت النهاردة علميا بالنظرية والتجريب..
المهم..
لو اللي قلتي عليه هو ده المطالب بيه في الإعلام فانا عشان كده سبق وقلت..كلام الإعلام ملوش داعي ولا معنى..

لأنه ببساطة لو قلنا انه "شرعا لا يصح نسبة ابن الزنا إلى الأب" يبقى الوضع مختلفش..هيفضل الطفل ابن زنا، حتى لو طرفي الزنا عقدوا بشكل شرعي بعد ولادته!!

الفكرة هنا تتعلق بأمر لازم نفهمه وركزت عليه مرة واتنين وتلاتة..
الولادة ليست دليلا على الزنا..أقولها تاني؟
الولادة ليست دليلا على الزنا:)

يعني بنت عمرها ما تزوجت، لو ولدت، لا ترمى بالزنا ولا تحد بالزنا..
بمعنى أصح..في حالة البنت دي ممكن نعرف أبو الطفل عن طريق الشيفرة الوراثية..
لكن لو لم تعترف البنت على نفسها بالزنا مش هانقدر نحدها! وعلى فكرة ده فيه تفصيل برضو..
فهمتي الفكرة؟
إثبات نسب بالشيفرة الوراثية..ممكن..
إثبات حصول الزنا..مش ممكن!

طيب..دلوقتي واحدة ولدت..هي بتدعي انه هذه الولادة من شخص ما..ماشي؟
ممكن جدا يتعمل التحليل..ونعرف..هل ده أبوه ولا لأ..
طيب..طلع أبوه..هل أبوه زنا؟
لو لم يعترف الأب..يبقى لأ!
ولو لم تعترف الأم..يبقى برضو هي لم تزني..(أنا باتكلم عن معاملة القاضي الشرعي لهما انما يوم القيامة ده موضوع تاني:) )

طيب الأب اعترف على نفسه بالزنا والأم لأ؟..يبقى الأب زنا والأم لأ!
ازاي؟!..ممكن جدا..ممكن الأم استغفلت، اتخدرت، سكرت ولم تعرف ما جرى معها، الأم متخلفة ولا عندها انفصام شخصية ولا مخها ضارب، الأم كذابة وهاتتحاسب يوم القيامة بقى..في ألف احتمال!
هاتقوليلي استغفلت إيه وهي اللي ادعت على الراجل انه أبو الطفل طب عرفت منين؟!، هاقوللك شوفتي الكذب بقى01# ، ممكن جدا حد قال لها بعد كده..ممكن جدا عرفت بطريقة أو أخرى مش دي مشكلتنا..

والعكس بالعكس برضو!

طيب محدش اعترف بالزنا..قالوا متجوزين عرفي مثلا..وكتبوا العقد على بسكوتة وجاعوا فأكلوا البسكوتة:rolleyes:
هاقول ماشي..كده يبقى الموضوع مفهوش زنا أصلا!
ده اسمه نكاح فاسد..اختلت شروطه الصحيحة في الإسلام..
ويبقى موضوع تاني خاااااالص!
ويبقى مينفعش بقى ساعتها نقول انه ده ابن زنا ومينفعش ينسب للأب!
إنما ينسب للأب ويتم التفريق بين الزوجين كما في أي نكاح فاسد!
طب الأب أنكر نسبه وادعى على الأم بالزنا..

هنا المسألة لو هاناخد بفتوى المفتي بقت مسألتين..
مسألة النسب..
ومسألة اتهامه لزوجته بالزنا..
مسألة اتهامه لزوجته بالزنا التصرف فيها واحد: يتلاعن الزوجان ويفرق بينهما على التأبيد..خلاص كده الموضوع منتهي..سواء الزوجة ولدت أو لم تلد من الأصل أو ولدت من زوجها أو من الزنا..

مسألة النسب بقى هي اللي المفروض القضاء يأخذ فيها بفتوى المفتي..
يتم التحليل..والله الطفل طلع ابن الزوج..نقول له والله يا أستاذنا ده إبنك..ولا تشك فيه ولا حاجه..
طلع مش ابنه، خلاص يلحق بالأم! طالما لم يعرف أبوه!
بالمناسبة ولو لم تعترف الزوجة بالزنا ولاعنت، فهي لا تحد، تاخد ابنها ونقول لها ده مش ابن الأستاذ زوجك يافندم، وتتكل:) !

طيب هل ممكن واحدة تلد من شخص ما (ليس زوج) دون زنا؟..ممكن..وفي عصرنا بنشوف بلاوي كده كتير..
لكن لا أرى مجالا أمامي للخوض في هذا..ومش هو المهم..

فهمتوا الفرق دلوقتي؟..التحليل ممكن يثبت النسب..لكنه لا يثبت حصول الزنا!!
وعشان كده فضلت أؤكد انه لا يمكن إثبات الزنا إلا باعترافهم أو بشهادة الشهود..
والتحليل مش طريقة للإثبات..
والأخت جنه الظاهر فهمتنا غلط..احنا مقلناش انه لو ثبت حصول الزنا من الزوج أو الزوجه يلاعنوا..وإنما كنت باقول لو واحد منهم اتهم "مجرد اتهام" الطرف الآخر بالزنا يلاعنوا!
النقطة الأخيرة هنا:

بس الأصل الثابت من أيام الرسول وحتى الآن هو اللعان ... وحتى إذا رفض أب الإعتراف بابنه من الست إللي متزوجها يتم اللعان والمفارقه بينهم ولا ينسب الولد لأبيه .... وهذا ما حدث أيام الرسول يبقى الموضوع منتهي ..
وعشان كده أنا امتنعت عن الكلام قبل ما أعرف بوجود فتوى عن عالم..لأنه هي دي النقطة الوحيدة اللي عايزة عالم بمقاصد الشريعة وعلوم الفقه..
أيام الرسول لم يتوفر لدى الناس مثل هذه الإمكانية ولا هذه الميزة..وعليه فقد افترضت أن علم مقاصد الشريعة هو ما يمكن الوصول به إلى الأقرب للصواب..
ففيما جرى على أيام الرسول صلى الله عليه وسلم كان من غير الممكن أن نعرف، فكان الشك في النسب لا يمكن قطعه باليقين، وعليه كان يتم نفي النسب المشكوك فيه "للأب" لحساب النسب الأكيد "للأم"..ودي يراجع فيها فضيلة المفتي وهو الأقدر على الإفادة فيها..

النقطة البعد الأخيرة "وهي أهم النقاط هنا بقى معلش":

وما هو البديل لاقامه الحد اذا كان القانون لايطبق الحدود الشرعيه
الحدود حاليا معطلة احنا عارفين دي..
لكن لا يمنع ذلك العلماء من أنهم يقرروا ما هو مفروض في الإسلام، ولا ينبغي لنا التوقف عن المطالبة بتطبيقها..
طبعا لا يمكن تطبيق الحدود من آحاد الناس هذه الفكرة مرفوضة تماما..

الشيخ محمود
03-22-2006, 11:13 AM
الله يسامحكم..
يعنى انا بعد ما اكتب على الوورد عن الموضوع ده .. أرجع الاقيكم فتحتوا شوراع وحوارى تانية..11#
الحق ارد ازاى انا دلوقتى..11#
عموما لى عودة ان شاء الله

Elshared
03-23-2006, 01:17 AM
يا جماعة هشام البنا محق في كل ما قاله

ابن الزنا ينسب للفراش يعني يتقال فلان ابن امه ويذكر اسم أمه

ولذلك شرعت عقوبة الزنا لإعلام الناس بخطر هذا الذنب

والكلام ده طبعا جاي من قاعدة فقهية مش من دماغنا

امنية
03-25-2006, 01:41 AM
انا مع استخدام الd.n.a لاثبات نسب الطفل لانة مالوش ذنب انه يعيش ومش عارف مين باباه والمفروض الام تاخد العقاب على جريمة الزنا
وبعدين هند الحناوى دى غاوية تفضح نفسها