صفحة 1 من 2 12 الأخيرةالأخيرة
النتائج 1 إلى 10 من 11

الموضوع: مشكلة عدم النوم ..ألديك حل ...؟؟؟؟

  1. #1
    ساكن
    تاريخ التسجيل
    Oct 2005
    الدولة
    أرض الله الواسعة
    المشاركات
    2,451

    افتراضي مشكلة عدم النوم ..ألديك حل ...؟؟؟؟

    السلام عليكم ورحمة الله وبركاته


    في فترة الامتحانات يصيبني الارق الشديد المرهق جدا ولا أستطيع النوم مع أني من الممكن أكون مستيقظة من الساعة السادسة صباحا ومع هذا لا أستطيع أن أنا م ليلا ولا أستطيع أن أذاكر أيضا فيضيع وقتي وجهدي وتزاد صعوبة الامتحانات مع قلة النوم ...

    وأيضا أنا أتعمد أخذ شيء ساخن حتى لأنام ولكن لا فائدة ...

    كنت أود لو أستطيع أن أعلم ما الحل لتلك المشكلة القاتلة ...
    أنا في كلية الصيدلة وبالتالي أنا أعلم بعض الادوية التي تعمل مفعول النوم لكنها بالتأكيد ليست ملائمة أبدا ولا تصرف إلا بروشتة من الطبيب ...

    لا أعلم ما هو الحل فعلالا ...أنتظر ردودكم ...ودمتم على الخير مجتمعين ...
    قل لن يصيبنا إلا ماكتب الله لنا

  2. #2
    الحارة اتزحمت خالص الصورة الرمزية بدور
    تاريخ التسجيل
    Jan 2006
    الدولة
    غزة أرض العزة
    العمر
    25
    المشاركات
    543

    افتراضي مشاركة: مشكلة عدم النوم ..ألديك حل ...؟؟؟؟

    بسم الله الرحمن الرحيم

    أختى الكريمة عبير عمر


    الله يوفقك ويكرمك بأعلى الدرجات

    أنا عندي نفس المشكلة ياريت حدا يساعدنا


    مع العلم إنى لا أتناول أي نوع من المنهبات لا وقت الأمتحانات ولا في الأيام العادية

    يعنى لا قهوة ولا شاي ولا أي شيء

    بدور
    يا أيها الشهداء لا لن يضيع الدم

  3. #3
    صاحب أعيان الصورة الرمزية rere_yoyo
    تاريخ التسجيل
    Oct 2005
    المشاركات
    155

    افتراضي مشاركة: مشكلة عدم النوم ..ألديك حل ...؟؟؟؟

    اخواتى فى الله

    كانت عندى المشكلة دى لوقت قريب جدااا

    لحد ما دلونى على على الحل

    الا وهو دعاء الارق

    "اللهم غارت النجوم وهدأت العيون وانت حى قيوم فأرح قلبى وانم عينى"

    وطبعا متنسويش اذكار النوم

    ولا تنسونا من صالح دعائكم
    نعيب زماننا والعيب فينا

    وما لزماننا عيب سونا

    ونهجو ذا الزمان بغير ذننا

    ولو نطق الزمان لهجنا






  4. #4
    شكلى صدعتكم معلش
    تاريخ التسجيل
    Jan 2006
    المشاركات
    960

    افتراضي مشاركة: مشكلة عدم النوم ..ألديك حل ...؟؟؟؟

    اخواتي الكريمات الله تعالى يقول(وذكر فأن الذكرى تنفع المؤمنين)
    اعلم انه مع زحمة الامتحانات نغفل وتتلخبط حياتنا لكن كله بعون الله مقدور عليه0
    قبل ماتناموا تقروا المعوذتين ثلاثا بالنفث على صدوركم ثم تقولوا اذكار النوم الوارده في السنه ثم التسبيح(وده له مفعول سحري في تيسير الامور طول اليوم) ماتقولوش احنا امتحانات ومش فاضين !!مانتو سهرانين وزهقانين0

    ثم تدعوا الله بقلب متضرع ومتألم انكو بحاجه للنوم 0
    الله بكم ارحم اذكروا حاجتكم عنده فانه نعم المستجيب, اما نحن العبيد فما بيدنا سوى الدعاءلكم بالتوفيق والعون0
    ثم حاولوا تنسوا تماما الامتحانات وتخيلوا انكو بتنعموا بنوم هادئ وجميل وكل مارجعتوا تفكروا بالامتحانات تعوذوا من الشيطان الرجيم لان شغلته انزال الحزن بالمؤمنين،ثم ارجعوا انعموا بالخيال الجميل هتلاقوا نفسكوا باذن الله نايمين0
    دعواتي لكم بنوم هادئ
    التعديل الأخير تم بواسطة حبة البركه ; 01-22-2006 الساعة 12:57 AM

  5. #5
    .. رحالٌ والعزمُ ردائي .. والّلقـبُ المحبوبُ فدائي الصورة الرمزية السندباد المصري
    تاريخ التسجيل
    May 2005
    الدولة
    الصعيد
    العمر
    31
    المشاركات
    5,101

    افتراضي مشاركة: مشكلة عدم النوم ..ألديك حل ...؟؟؟؟

    انا بقى العكس تماما

    النوم كله يجينى عند الإمتحانات

    واضح يا اخت عبير انك لسه فى أول مشوارك فى كلية صيدله

    لأنه فى اخر المشوار هاتختفى المشكله دى تماما وتبقى مش عارفه تصحى من النوم

    عارفه ليه ؟؟؟

    فى بداية كلية صيدله الإنسان دمه بيتحرق وأعصابه بتتشد جدا من صعوبتها وسخافتها و لأن الواحد بيذاكر حاجات كتير مالهاش لازمه وبعد فتره من حرق الأعصاب ده ,الواحد خلااااااااااااااص كل أعصابه بتكون اتحرقت وتاجيله حاله من البلاده واللا مبالاه عجيبه جدا

    اتذكر انى فى أوائل السنوات فى كلية الإكتئاب كنت فعلا مش باعرف انام يومين قبل الإمتحان وباكون مذاكر كويس وبافضل اراجع لغاية اخر لحظه حتى وانا ماشى فى الشارع رايح الإمتحان

    دلوقتى يا سلااااااااااااااام

    الواحد ينااااام ويفطر وياخد دش وقبل الإمتحان بساعتين افتح الماده اللى ماعرفش عنها حاجه اقرأ اللى فيه النصيب وشكراً على كده

    الغريب انى فى النهايه باحل كويس معرفش ازاى
    قال رسول الله صلى الله عليه وسلم
    :(((( يا غلام إني أعلمك كلمات: احفظ الله يحفظك، احفظ الله تجده تجاهك، إذا سألت فاسأل الله، وإذا استعنت فاستعن بالله،
    واعــــلــــم
    أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، ولو اجتمعوا على أن يضروك بشيء لم يضروك إلا بشيء قد كتبه الله عليك، رفعت الأقلام وجفّت الصحف".)))

  6. #6
    خلاص بقيت شريك فى الحاره
    تاريخ التسجيل
    Aug 2005
    الدولة
    اسيوط
    المشاركات
    2,313

    Smile مشاركة: مشكلة عدم النوم ..ألديك حل ...؟؟؟؟

    بسم اللله الرحمن الرحيم

    طبعا يا اختى عدم النوم او الأرق يعنى مشكلة كبيرة فعلا وخصوصا ايام الأمتحانات لأنها بتشكل ضغط جامد على الأعصاب فى وقت بيكون الضغط موجود بما فيه الكفاية,خصوصا لو انتى اصلا مش متعودة على قلة النوم,بيبقى الوضع فعلا صعب,صداع بقى وضيق وقلة تركيز و--------------------
    انا هديلك بعض النصايح اللى يا رب تفيدك
    1- حاولى متناميش بالنهار فى الفترة دى.
    2- تجنبى تناول المنبهات قبل النوم بخمس ساعات على الأقل.
    3- مارسى قدر معقول من الرياضة قبل النوم بييجى خمس ساعات مثلا,لكن مش قبل النوم مباشرة لأنك لو عملتى ده مش هتنامى للصيح .
    4- تناولى بعض الأعشاب المهدئة للأعصاب(ينسون-تليو------).
    5- خدى دش سخن قبل ما تدخلى السرير.
    6- اشربى قبل النوم شوب لبن دافى محلى.
    7- وانتى فى السرير اقرى اى حاجة مملة,حتى لو كانت مجلة اطفال,وللا اقولك(الجرايد بتاعتانا حلوة قوى فى الحكاية دى,من اول تلت سطور هتنامى علطول) .
    8- اتعودى انك متذاكريش فى السرير,يعنى السرير للنوم وبس.
    9- حاولى تسترخى فى السرير وتتخيلى اى حاجة او اى ذكريات جميلة عندك او حاجة جميلة بتتمنى انها تحصل مثلا,يعنى اى حاجة الا الأمتحانات.
    10- ممكن تجربى انك تعدى (يعنى تفضلى كدة 1-2-3---------)بهدووووووووء لغاية متنامى.
    11- ده طبعا بالأضافة للنصايح اللى قالولك عليها الأخوة وخصوصا دعاء الأرق(انا جربته وكانت نتيجته كويسة جداااااااااا).
    طبعا انا حاليا بقيت من كتر ما انا مش لا قية وقت انام اصلا,بقيت بنام بمجرد ما افكر فى النوم
    احيانا انام وانا واقفة(تخيلى؟)
    بس يمكن الحكاية دى مبقيتش بتمثلى مشكلة لأنى تأقلمت عليها من زماااااااااااااااان,من سنة تالتة طب تقريبا(يعنى بقيت خبرة فى عدم النوم ).
    يا رب تكون نصايحى مفيدة ليكى وتقدرى تنامى,ولو انى حاسة ان زمانك نمتى فعلا من كتر ما زهقتى من رغيى
    احلام سعيدة بقى
    تمنياتى ليكى بالنجاح والتوفيق انتى وكل الطلبة يا رب



  7. #7
    بفكر اشارك زعتر فى الحاره الصورة الرمزية Neagm
    تاريخ التسجيل
    Jan 2005
    المشاركات
    1,954

    افتراضي مشاركة: مشكلة عدم النوم ..ألديك حل ...؟؟؟؟

    احم طب بقة النوم الي زايد عن حده ؟

    انا اعرف ان معدل نوم الانسان الطبيعي 8 ساعات
    ممكن انام عشرة و ابقي صاحية عايزة انام01#
    و الضهر ابقي عايزة انام تاني


    مع العلم
    اني دايما كان معدل نومي قليل جدا
    و عمري ما كنت بنام الضهر
    رُطَباً جَنِيّاً

  8. #8
    .. رحالٌ والعزمُ ردائي .. والّلقـبُ المحبوبُ فدائي الصورة الرمزية السندباد المصري
    تاريخ التسجيل
    May 2005
    الدولة
    الصعيد
    العمر
    31
    المشاركات
    5,101

    افتراضي مشاركة: مشكلة عدم النوم ..ألديك حل ...؟؟؟؟

    السلام عليكم ورحمة الله وبركاته

    اعتقد ان البشر ثلاثة انواع

    نوع عنده طاقه بدنيه وجسميه وذهنيه عاليه جدا ودائما فى حركه ونشاط ودايما ذهنه منتبه

    ونوع عادى

    ونوع خامل

    وبالنسبه للأرق أيام الإمتحانات غالبا بيكون سببه حاجه من اتنين

    الأول هو التوتر والقلق الزائد
    ( ويمكن التغلب عليه عن طريق ما تم ذكره فى المشاركات السابقه

    التانى هو ان الشخص المصاب بالأرق بيكون من النوع التانى
    عنده طاقه عاليه وذهنه دايما نشيط
    طبعا الطاقه دى مش بيحس بيها فى الإيام العاديه لإنها بتتفرغ فى الذهاب للكليه والمشاوير والزيارات وغيره

    انما لما تيجى أيام الإمتحانات بيلاقى نفسه مضطر يقعد فى مكانه مش بيتحرك ولا بيروح ولا بييجى ... على اخر اليوم يحس نفسه مش عايز ينام ومش تعبان ومش مرهق وذهنه منتبه ومتيقظ

    الحل فى الحاله دى هو تفريغ الطاقه عن طريق

    1- بذل أى مجهود بشرط مايضيعش وقت (مثلا الواحد يذاكر وهو بيتمشى )

    2- عد النوم لفترات قصيره خلال اليوم مهما كان السبب لأن النوم لفترات قصيره ممكن يعوض قدر كبير من الطاقه يخلى الواحد مايعرفش ينام بالليل

    3- عدم تناول أطعمه ذات طاقه عاليه (نشويات وسكريات) وعدم تناول المنبهات

    4- عدم النوم الزائد عن الحاجه ... يعنى الواحد لما يكون عنده أرق لمدة يومين مش يصدق ماينام اليوم التالت كله ... انما ينام بقدر ما يحتاجه لاستعاده نشاطه
    (يعنى 4 أو 5 ساعات كفايه جداً )

    5- طبعا بالإستعانه بالله عز وجل والدعاء وتنفذ وصايا الإخوه فى المشاركات السابقه (بصراحه نصائحهم قيمه جدا واستفدت منها كتير)

    احم طب بقة النوم الي زايد عن حده ؟

    انا اعرف ان معدل نوم الانسان الطبيعي 8 ساعات
    ممكن انام عشرة و ابقي صاحية عايزة انام01#
    و الضهر ابقي عايزة انام تاني


    مع العلم
    اني دايما كان معدل نومي قليل جدا
    و عمري ما كنت بنام الضهر
    طبعا حاله طبيعيه جدا لأنسان خلص دراسه وذهنه فاضى من الممشغوليات
    لكن الغريب فعلا ان الحاله دى مش بتاجينى غير فى أيام الدراسه
    انما فى الأجازه مش بانام اكتر من 5 ساعات على أقصى تقدير

    عموما هاقول لحضرتك على حاجه ممكن تساعدك
    هاتى ورقه وقلم واكتبى فيها كل ما تتمنى فعله فى حياتك بدون النظر لعامل الوقت
    هاتى ورقه تانيه واكتبى فيها جدول اعمالك اليوميى (الفعلى)

    قارنى بين الورقتين .. هاتكتشفى فاجعه ساعتها هاتحسى ان النوم ده شىء بغيض ومضيعه للوقت ومالهوش أى لازمه إلا عند الضروره
    (انا عن نفسى هو ده رأيي فى النوم)
    قال رسول الله صلى الله عليه وسلم
    :(((( يا غلام إني أعلمك كلمات: احفظ الله يحفظك، احفظ الله تجده تجاهك، إذا سألت فاسأل الله، وإذا استعنت فاستعن بالله،
    واعــــلــــم
    أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، ولو اجتمعوا على أن يضروك بشيء لم يضروك إلا بشيء قد كتبه الله عليك، رفعت الأقلام وجفّت الصحف".)))

  9. #9
    ساكن
    تاريخ التسجيل
    Oct 2005
    الدولة
    أرض الله الواسعة
    المشاركات
    2,451

    افتراضي مشاركة: مشكلة عدم النوم ..ألديك حل ...؟؟؟؟

    السلام عليكم ورحمة الله وبركاته


    جزاكم الله خيرا على هذة الردود الطيبة ...وأخص بالشكر دكتورة الحارة (زهرة الشرق ) ...

    لأنك كفاية ضيعتي وقت الكتابة الكتيير ده كله ربنا يخليكي لينا ...

    ليس غريب أبدا على روح أبناء الحارة المتعاونة المحبة للخير ..

    لربما ألتزم الصمت في الغالب لكن صدقا هو إحترامي الكبير لكم جميعا ..فأقبلوه ..

    ودمتم على خير وسلامة ...
    قل لن يصيبنا إلا ماكتب الله لنا

  10. #10
    بفكر اشارك زعتر فى الحاره الصورة الرمزية Neagm
    تاريخ التسجيل
    Jan 2005
    المشاركات
    1,954

    افتراضي مشاركة: مشكلة عدم النوم ..ألديك حل ...؟؟؟؟

    قارنى بين الورقتين .. هاتكتشفى فاجعه ساعتها هاتحسى ان النوم ده شىء بغيض ومضيعه للوقت ومالهوش أى لازمه إلا عند الضروره
    (انا عن نفسى هو ده رأيي فى النوم)



    لا منا عارفة الفاجعة من غير ما اكتب




    احم
    عموما الحالة دي راحت


    واضح انها كانت مرتبطة بأول الاجازة بس



    جزاك الله خيرا
    رُطَباً جَنِيّاً

صفحة 1 من 2 12 الأخيرةالأخيرة

المواضيع المتشابهه

  1. شلل النوم
    بواسطة sweet في المنتدى مستوصف الدكتورة رحمة
    مشاركات: 9
    آخر مشاركة: 04-03-2008, 10:55 AM
  2. مشاركات: 14
    آخر مشاركة: 08-12-2007, 08:50 PM
  3. تخاريف قبل النوم
    بواسطة te3mah في المنتدى قهوة عم جابر
    مشاركات: 14
    آخر مشاركة: 03-26-2007, 07:39 PM
  4. أبجديات النوم
    بواسطة اسطى زينهم الحلاق في المنتدى خربشات
    مشاركات: 8
    آخر مشاركة: 04-04-2006, 12:36 AM
  5. مضى عهد النوم****
    بواسطة السندباد المصري في المنتدى خربشات قصصية
    مشاركات: 9
    آخر مشاركة: 06-20-2005, 03:19 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •