تعرف تربع ؟

[ابو خوخة]

تعرف تربع ؟


؛؛؛؛؛


تشارك يعنى برباعية خفيفة وظريفة ويكون لها معنى ؟

آه تقدر... بس حاول

وآدى مشاركتي




العربيــــــة


؛؛؛؛؛


كاروو تكون أو فيات



الإسم عربيـة



يجـر فيها حمــار



ولا..تسوقهـا مصـرية



نفس الطريق واحد بنـزين أو برسيم



الحاجة مقضيــة



وعجبى

[انامل تتحدث]

سلمت امرى لربى وبدعيه يجيبلى حقى
يحرقوا علمى ويضربوا ولدى
ويقولوا مسلمين ويتكلموا عن الدين
قبل ما يفتروا
نفسى يفتكروا يوم الحشر العظيم
انامل تتحدث

[خلف خلاف]

حاجة كدا قديمة لغاية ما ربنا يفرجها بجديد

خنزير بوباؤه ملى البلاد والارض

وخنزير هز الدنيا وقتّل وهتّك عرض

الاول اتعدم واتقتل فى ميدان مفتوح

والتانى هنجاهد ونقضى احنا الفرض

[انامل تتحدث]

كرمه بلد

ادخل مكان القى ناس محروقيين
بينقشوا الموضوع ويناشدوا المسؤليين
ادخل مكان تانى القى ناس هاديين
فى وادى غير الوادى وفى الموضوع مش سأليين
هما الاوائل فاضيين
ولا التانيين مش مصريين
وعجبى
انامل تتحدث

[تامر]

ممكن تبقى خمسه المره دي بس ؟؟؟؟

[تامر]

أول كلامي صلاه عـلى النبي المختار
وسلام لال البيت الطيبين الابرار
و على صحاب النبي مهاجرين وانصار
ثم أختمه بسلام لصاحب الصفحه
و لمن نوى يشارك قليلين وكتار

[أسامةوبس]

شايب وعايب بلبانه من خييبتو

شاف بنت حلوه من سنها حفيدتو

قال ياجميل ياقمر طب رد كلمنى

سفخت خدوده بقلم وضيعت هيبتو

[ابو خوخة]

أهلاً أنامل خلف نورتو موضوعي

تامر أسامة الجميل فرحان وآدى دموعي

لما لقيتكم هنا كأنى متعشي

شبعت من فرحتى ونسيت أوام جوعي

[ابو خوخة]

المهم الأخلاق



جاب كمبيوتر دهب غالى أوى ف قيمته



دخل كتير الشات ولا مرة كلمته



يكتب كلام بايخ وكله قلة ذوق



واحد جهازه رخيص هزأ ابو كرامته



وعجبي

[أسامةوبس]

أبو خوخة حلو القول من فُمَّك
الله يزيدك فرحك ويروح مايغمك
ياللى بكل الخير دايما مجمعنا
والكل هنا يتلم بإشارة من كُمَّك